UNTI-UNTI NG NAGIGING mabuti ang pakiramdam ni Rocco. Dahil doon ay naging malinaw na rin ang pagtakbo ng kanyang isipan. Para sa kanya ay hindi kamalasan na mahulog siya sa bukal na tubig, bagkus ay nadagdagan pa ang dahilan niya upang lumaban. Dahil sa nangyari sa kanyang mag-ina, may nagtulak sa kanyang mag-imbestiga pa. Mas palawakin ang kanyang isipan at tatagan ang kanyang kalooban. Isa na iyong malaking hakbang sa matagal ng hiling ng kanyang isipan na makitang muli ang pamilya. Sa tinagal-tagal ng paghahanap niya, wala siyang nakita na magpapalakas lalo sa hinala niyang nasa parte lamang ng Morefia ang pamilya. Sa panahong hindi niya inaasahan, saka iyon lumabas.
Patuloy ang paglipad nila sa himpapawid habang tumatakbo rin sa ibaba sina Levin. Sinusundan ng mga ito ang pupuntahan
