MADILIM, TAHIMIK, WALANG kahit na anong buhay ang makikita kahit na anong bahagi ng lugar. Ang mga puno at halaman na nagkalat sa paligid ay mahahalatang matagal ng hindi nagkaroon ng kahit na anong dahon dahil kahit ang mga parte ng katawan nito ay natatanggal na rin. Malamig ang bahaging tinatapakan nila. Kahit na may sapin ang mga paa ay ramdam pa rin nila ang hangin. Tila ba may freezer ang kalupaan. Iyon ang pinakamadaling pagpapaliwanag sa nararamdaman nila. Ibang-ibang sa temperatura sa itaas na bahagi lalo na sa kalahati ng kanilang katawan. Tila nangangapa sila sa dilim dahil walang kahit na anong makitang ilaw sa paligid.
Nang magpatuloy sa paglalakad, bumungad sa kanila ang tila isang bahagi ng lugar na dating may naninirahan. Marami kaseng bahay sa paligid na makikita ngunit k
