“Ganda naman ng babae na ‘yan,” komento ni Geng-Geng habang nakatingin sa kaniya.
Tiningnan naman ni Loli ang sariling repleksiyon at napangiti. Tiningnan niya si Geng-Geng saka umikot pa.
“Grabe na ‘yan. Baka maging kambal pa anak niyo kung sakali,” dugtong nito.
Natawa lamang si Loli. Nakasuot siya ng kulay baby pink na gown. Lalo siyang naging inosenti tingnan. Naka-messy bun ang kaniyang buhok at light lang ang kaniyang make-up. Para siyang Diwata sa sobrang kagandahan.
“Are you ready?”
Napalingon naman siya at nakita sa hamba ng pintuan nakasandal si Callum suot nito ang mamahaling suit. Kulay puti iyon at para itong prinsipe.
“Tsk, tsk. Sige na, umalis na kayo. Baka ma-late pa kayo sa main event,” wika ni Geng-Geng.
Nilapitan ni Callum ang dalaga at hinapit ang beywang nito.
