LUMIPAS ang mga linggo at naging ilang buwan. Ang inaakala namin ni Nikki na isang kumplikadong bagay na paghanap at pagbawi sa anak naming si Pasquale ay halos imposible pala. Nang dumating ang oras na hinihintay namin, isang pagsubok na naman ang dumating.
“Pa, nakahanda na ang lahat. May naghihintay na rin na mga tauhan natin sa paligid ng area. You’ll just have to follow my instructions to the letter. Mag-ingat ka, Pa.” Mahigpit ang kapit ko sa cellphone na kapares ng ginagamit ngayon ng aking ama. Palihim kong ipinadala sa kanya noong huli siyang dumalaw sa Rancho ang phone upang mas madalas kaming nakapag-usap dahil sa special feature na nakatago sa likod ng cellphone na ‘yon.
“Siguruhin mong matatapos na ‘to ngayon, Pierre. I trust you, son. Save my grandson and live
