Nang mag-umpisa na ang klase, hindi na muling nagkita sina Gennie at Pat. Si Nerio ay doon na rin namalagi sa siyudad para ipagpatuloy rin ang kaniyang kolehiyo. Bago naman lumayag si Pat, pumunta pa si Mang Greg para dalawin ang kaniyang anak. Kahit gustong-gustong ni Pat na tanungin ang ama tungkol sa kalagayan ni Gennie ay pilit na lamang niya itong itInago sa kaniyang sarili. Nagtataka man si Mang Greg sa hindi na pag-uwi ng anak at hindi na pag-abalang kumustahin ang matalik nitong kaibigan, minabuti na lamang niyang tumahimik dahil aniya, ayaw niyang manghimasok sa buhay ng kaniyang anak.
Nagkausap din sina Alma at Pat bago ito umalis. Halos araw-araw itong pumupunta sa bahay nina Tiya Cora para puntahan si Pat. Kahit anong iwas niya kay Alma lalo lamang itong dumidikit sa kaniya. W
