Nang gabing iyon ay hindi makatulog nang maayos si Pat. Umalingawngaw sa kaniyang pandinig ang mga sinabi sa kaniya ni Nerio. Naguguluhan siya sa magiging desisyon niya. Nakailang balikwas na siya at bangon.
"Kailangan kong puntahan si Alma bukas. Diyos ko, tulungan mo naman ako. Hindi ko alam kung ano ang dapat kong gawin. Bigyan mo naman ako ng palatandaan para ipaglaban ang pag-ibig ko kay Gennie. Pero paano naman ang anak ko kay Alma? Tama bang talikuran ko ang aking obligasyon sa kaniya para lamang sa aking sariling kapakanan?” Napailing at napasapo siya sa kaniyang ulo at mukha.
Kinabukasan, maaga namang umalis si Nerio papuntang paaralan. Nagkausap naman saglit sina Von at Pat, ikinuwento nila ang mga napagdaanan nila sa barko.
“Hindi madali ang trabaho natin, ‘Insan pero dahil
