"M-Mike? A-Anong ginagawa mo dito?" halos manigas ako sa kinatatayuan ko nang madatnan ko si Mike na nakasalampak sa sofa at nanonood ng TV sa bahay namin.
Umuwi muna ako sa bahay upang kumuha sana ng mga damit ko dahil naisip kong doon na ako mananatili sa ospital hanggang sa makalabas sina Mama at Papa. Laking gulat ko na lang na nandito si Mike! Hindi ko inaasahan na may ibang tao dito.
Tinapunan niya lang ako ng tingin, sinubo sa bibig niya ang chips at nagpatuloy sa panonood ng telebisyon na akala mo hindi niya ako narinig o napansin man lang ang pagdating ko.
Wala ng dahilan pa upang pigilan ko ang sarili ko at bastusan nang pinatay ang TV upang makuha ang atensiyon niya.
"Puta ka ba talaga? Ba't mo pinatay?! Kita mong nanonood ako! Buksan mo!" tinapon niya sa akin ang plastic ng
