ILANG MAHAHABANG ORAS PA ANG LUMIPAS...
Ilang palihim na mura...
Ilang suka...
Bago niya tinigil ang sasakyan sa gilid ng lilib na kalsada. Nakalabas na kami ng siyudad at ewan ko kung nasaang parte na kami ng kabihasnan. Malakas pa rin ang ulan at maingay ang pagbagsak noon sa bubong. Parang milyon-milyong mga daliring gigil na gigil sa pagtipa na nagngingitngit ang Diyos.
Galit na galit ang langit...
Kanino kaya sa aming dalawa?
Sa akin? O sa kanya?
“Nahihilo ka pa ba? Kaya mo bang bumaba?” I tore my stare from the dark road ahead of us to the window next to me. Sarado na ‘yon kaya lalong humirap huminga sa loob ng sasakyang.
Ang dilim at labo ng mundo sa labas. Pati yata mga talahib sa tabi ng daan dinamay na ng Diyos sa himagsik nito. Walang-awa Nitong pinadadapa sa tubig ang m
