Michiko's POV
Nagmamadali akong umalis sa Dream Flower Shop noong nalaman kong nahihirapang huminga si Vonn at gusto nila na pumunta kaagad ako sa ospital. Wala pa man ako sa loob ng kuwarto niya ay umiiyak na ako, iba ang naramdaman kong urgency sa pagtawag nila kaya hindi maiiwasan na mag-isip ng kung ano-ano. Dahan-dahan ko pa silang sinilip dahil kinakabahan ako. Nakita kong nandoon si Tita Ella at Ate Calli na pinanonood habang may kung anong ginagalaw ang doktor at nurse kay Vonn. Wala akong naiintindihan sa ginagawa nila kay Vonn. Ang tanging naiintindihan ko lang sa nangyayari ngayon ay nahihirapan siya nang sobra. Napahawak ako sa dibdib ko habang nakatingin sa kanila, maging ako ay nahihirapan sa nakikita.
Bukas pa naman ang schedule ng operasyon niya. He was doing great until
