Michiko's POV
Kinapa ko ang paligid ng kama pero dumilat kaagad ako noong hindi ko naramdaman na nasa tabi ko si Vonn. Napabangon din ako nang wala sa oras para hanapin siya.
“Vonn?!” sigaw ko habang hinahanap pa rin ang katabi ko. Kaagad ko namang narinig ang tunog na nagmula sa loob ng rest room sa kuwarto niya kasunod ang paglabas niya. Hindi naging maganda ang gising ko dahil sa mga naisip. Ibang klase talaga ang utak ko.
“Bakit nakasigaw ka kaagad?” tanong niya habang kumakamot pa sa ulo, halatang bagong gising ito.
“Parang tanga naman, bakit hindi mo ako ginising?” naiinis na sagot ko sa kanya. Lumapit ako sa kanya para alalayan siya.
“Good morning din,” natatawang pagbati niya sa akin. “Huwag kang magsungit, masyado pang maaga. Hindi ko tuloy alam kung pinagagalitan mo ako o na
