Nagising si Ingrid na may halong inis. Miss na miss na niya si Pierce at saka nakakulong lang siya sa kwarto. Wala siyang magawa kung hindi ang mag-emote sa gilid at saka maglumbaba habang nakatingin sa bintana.
"Kailan ba ako makakaalis dito? Tatlong araw na ako rito," mahinang sambit niya at saka bumukas ang pinto at bumungad sa kanya si Draken na may hawak na pagkain.
Gustong iwasan ni Ingrid si Draken, kaso nang makita niya kung ano ang dala nito, hindi na siya nakapagpigil at nilapitan ito.
"Is that for me?" tanong niya at saka sobrang saya nang kanyang boses at ang mata niya ay kumikinang-kinang pa.
"Gusto mo ba?" tanong ni Draken at saka dahan-dahan na tumango si Ingrid.
Isa itong plastik na naglalaman ng iba't ibang klase ng pagkain ng mga koreano at koreana. Ilang araw n
