Narinig niya ang mga bulungan sa paligid. May tao. Nang unti unti niyang minulat ang mata ay bumungad sa kaniya ang puting kisame. Mabigat pa ang pakiramdam niya nang bumangon.
“Mama?” Ang mukha agad ni Daniel ang sumalubong sa kaniya.
Gulat na gulat ang anak. Napansin din ng iba pang nandoon na gising na siya. Sunod na lumapit ay si Treous na karga karga sa bisig ang bunso nilang si Treah. Agad na bumaba ang bata para yumakap sa kaniya. Napapikit siya nang yakapin siya ng dalawang anak.
Nang maalala ang nangyari bago siya nahimatay ay agad siyang napaiyak. Ang ama niya. Wala na ang ama niya!
“Si Papa? Nahanap na ba siya?”
Sumabog ang private plane na sinakyan nito. Paniguradong nagkalasog lasog ang katawan nito. Mai-imagine niya pa lang kung gaano kasaklap ang nangyari sa ama ay p
