Chapter Forty One
MON
NAKABIHIS na ako at sabik na muling makasama si Sanya.
Ngayong araw kasi ang napag usapan namin ng mga kaibigan ko na mag-road trip patungo sa dinarayong tanawin ng Monteverde, ang Monteverde Wood.
"Nay, alis na ako," paalam ko kay nanay na kasalukuyang nagwawalis sa bakuran.
"Mag-iingat kayo, anak. Huwag kayong magpapagabi," sabi niya.
Tumango ako saka nagtungo na sa bahay nina Sanya.
Nang makarating ako sa bahay nila ay tanging ang papa niya ang naroon.
Ang sabi niya'y nasa bayan si Aling Hilda at may pinuntahan ang dalawa nitong anak.
Ipinaalam ko pa rin si Sanya sa kanyang ama. Mabuti at alam kong suportado siya sa akin. Si Aling Hilda lang ang medyo dehado ako.
Lumabas na ako sa bahay nil saka inilabas ang cellphone ko.
Tinawagan ko ang numero ni Sanya
