Chapter 26
NANG MAKARATING sina Celestine, Lavi, Casey at Zyra sa tapat ng unit ni Felicity ay naramdaman ni Casey ang paghawak nang mahigpit ni Zyra sa kaniyang kamay. Nilingon niya ito at nakita niyang humugot ito ng malalim na hininga. Tumingn ito sa kaniya saka ngumiti ng pilit. Halata sa mukha nito ang kabang nararamdaman.
Si Celestine ang nag-doorbell habang nasa likuran naman sila nito. Tumikhim si Lavi at nang malingunan nila ito ay may ngisi ito sa mga labi habang ang mga mata ay nakatuon sa mga kamay nila.
“Ano na naman?” tanong ni Zyra sa pinsan.
Umayos ng tayo si Lavi. “Wala lang.” Tumingin sa kaniya ito. “Gusto mo ba maging model ng mga damit na gawa ko?”
Lumingon si Celestine sa kanila. “Tanggapin mo na, Casey. Kasama mo kami ni Aliyah.” Ngumiti ito sa
