"A-gassi!" mahinang tawag ko sa lalaki. 7:38 pm na, base sa wall clock na unang tumambad sa akin. Agad na lumapit ang lalaki, pilit ang ngiti dahil halata namang nag-aalala pa rin ito. Nakasemento ang isang braso ko. Hindi rin ako makakilos dahil sa sakit ng katawan. Para akong nabugbog sa sakit na nararamdaman ko eh.
"Mabuti naman at gising ka na. May gusto ka bang kainin?" tanong nito sa akin.
"Ikaw, kumain ka na ba?" balik tanong ko rito. Namumutla kasi ito.
"Y-eah!"
"Sinong kasama mo na nagbabantay sa akin?" tanong ko nang gagapin n'ya ang aking kamay.
"Kauuwi lang ni Mayor. Babalik din daw s'ya agad. Si Aling Daisy ay inihatid lang si Feri."
"Hindi ka ba hinahanap sa inyo?"
"Mamaya uuwi ako kapag nakabalik na sila. Iyon nga pa lang mga gift sa 'yo nandito sa paanan ng kama
