"Merry Christmas!" masayang bati ng lahat pagpatak ng alas-12. Nakaakbay sa tabi ko si Papa, habang narito kami sa dining room kung saan may mahabang table para sa salo-salo. Lilipat kami mamaya sa labas dahil may set up din doon.
Ang daming masasarap na pagkain. Titiyakin kong mapagbabalot ko bukas si Mama. Noong gipit na gipit kami, madalas si Mama ang gumawa nito. Pupunta sa handaan tapos magbabalot ng pagkain.
"Merry Christmas, Anak!" sinulyapan ko si Papa. Matamis ang naging ngiti ko rito.
"Merry Christmas, Pa." Sagot ko rito na humarap dito at yumakap. Syempre iyong isang kamay hindi ko maiyakap, kasi naka-cast pa.
Humalik naman ito sa aking noo.
"Kalila, may gift ako sa 'yo sa ilalim ng christmas tree!" sabi ng isa sa auntie ko na dati'y hindi ako pinapansin. Nagulat talag
