Sofia
Masamang-masama ang kaniyang pakiramdam. Nahihirapan siyang tanggapin ang pagkawala ng kaniyang ina.
"Palagi ka na lang nagkukulong sa kuwarto, beshie," ani Nadz sa malungkot na tinig.
"Oo nga, Sofi. Lumabas ka naman ng kuwarto mo," ani Loisa sa mahinahong tinig. "Nag-aalala na kami sa 'yo."
Nasa loob siya ng kuwarto at nakahiga lang siya. Hindi na naman siya pumasok sa eskuwelahan at sa trabaho. Nagsabi naman siya kung bakit hindi siya papasok. At alam na ng lahat ng kaniyang kaklase at katrabaho ang mapait na sinapit ng kaniyang ina sa pagbagsak ng eroplanong sinasakyan nito kasama ang kaniyang tito Albert patungong Malaysia.
Nag-post siya ng mahabang mensahe para sa kaniyang ina sa kaniyang social media account ilang araw na ang nakalilipas. Maraming nakiramay sa kaniya na mg
