“Anong dapat kong gawin, Dylan?” tanong ni Apple kay Dylan nang matapos ito sa pagkukwento tungkol sa nakaraan nina Aiden at Agatha.
Alam niyang masasaktan siya sa maririnig niya pero ginusto niya pa ring marinig kung anong relasyon ang meron ang dalawa noon. Nalaman niya sa binata na parehong first love ng dalawa ang isa’t-isa. First love never dies, totoo ba talaga ang kasabihang ‘yon? Kung totoong may nararamdaman pa talaga si Aiden dito, paano na siya? Paano na sila? Doon na lang ba matatapos ang relasyon nila? Gano’n na lang kadali?
“Anong ibig mong sabihin?” nagtataka ito sa tanong niya. “Oy, bakit ka na naman biglang umiyak diyan?” Nagulat ito sa biglang pag-iyak niya. Kumuha ito ng tissue saka binigay sa kanya na kanya namang tinanggap. “Huwag ka ngang basta-basta na lang umiiyak
