Kinagabihan ay naghanda na si Apple para sa pag-alis nila ni Aiden mamaya papunta sa birthday party ng pinsan nito. Sinuot na niya ang binili nitong dress kahapon saka tinulungan na din siya ni Yna na maglagay ng make up dahil hindi naman siya marunong gumamit.
Gusto sana ni Aiden na dalhin pa siya sa isang parlor para make up-an pero hindi na siya pumayag dahil dagdag gastos na naman ‘yon. Hindi niya alam kung magkano ang gagastusin nito kung pupunta pa sila ng parlor pero alam niyang mahal ‘yon, lalo na’t dadalhin na naman siya nito sa isang sikat at mamahaling parlor.
Sa totoo lang ay nahihiya na siya sa binata dahil ang dami na nitong ginastos para sa kanya. Na kahit nagpapanggap lang naman sila ay gumagastos pa din ito. At sa totoo lang din ay luging-lugi na sa kanya ito. Ang tangi
