Kahit na labag sa puso ni Apple ang makipagkita kay Agatha ay pumunta pa rin siya sa coffee shop kung saan ito maghihintay sa kanya. Kinakain siya ng curiosity niya kaya pumunta pa rin siya. Kinalma niya muna ang sarili bago binuksan ang pinto ng coffee shop saka pumasok. Hinanap niya ang dalaga. Dahil sa nakita na niya ito sa malapitan kahapon sa opisina ng binata ay hindi na siya nahirapang hanapin ito.
Nakita niya ito sa sulok na nakaupo habang nakatingin sa labas. Salamin lang kasi ang nagsisilbing dingding sa coffee shop. Lumapit na siya dito saka umupo na ikinagulat nito. Hindi na niya kasi tinawag ang pansin nito bago siya umupo. Wala siyang oras na gawin ‘yon at wala din naman siyang balak na maging magalang at mabait dito. Ayaw niyang makipagplastikan dito dahil baka masuka lang
