KABADO si Thalia habang naghahanda ng hapunan ni Radson. Hindi ito komportable dahil silang dalawa lang ang tao sa bahay, idagdag pang malakas ang ulan at gabi na. Tiyak kasing malalaman ng pamilya niya ito, lalo na si Amanda. Bubugbugin na naman siya ni Amanda at pagsasalitaan ng mga masasakit na salita kahit wala siyang ginagawang masama.
Ni wala sa isipan niya ang akitin si Radson o makipag kaibigan dito. Halos hindi nga niya tignan o kausapin ang binata kung hindi ito lalapit sa kanya. Kaya hindi maintindihan ni Thalia kung saan nagmumula ang galit ni Amanda at mga paratang na inaakit niya si Radson at gustong agawin ito mula kay Amanda.
Akmang patungo sa kusina si Radson para sundan si Thalia nang mapadaan siya sa mga larawan na nasa dingding. Ang karamihan ay larawan ng childhood
