MAPAIT na napangiti si Thalia na naigala ang paningin sa bagong silid nito. Kung tutuusin, mas magara at mas malaki ang bagong silid niya. Mas tahimik din dito at mas kampante ang isipan niya, kumpara sa bahay nila sa poder ng mga Thompson.
Nandito na rin ang mga gamit niya mula sa bahay nila. Malinaw naman sa kanya na hindi sila magsasama bilang totoong mag-asawa ni Radson. Nagpakasal lang siya dito para sa perang ibibigay ni Radson sa kumpanya ng ama nila at para na rin. . . hindi mapunta sa ibang babae si Radson habang ini-enjoy ni Amanda ang pagmomodelo abroad.
“New house, new life, Thalie.” Usal nito.
Dinampot niya ang dalawang malalaking bag niya na dinala sa closet na nasa sulok. Maganda naman ang silid niya. Malinis at may sarili na rin siyang swivel chair, study table at may
