"Siya pa 'yon. Siya po ang bumasag ng vase." Panunuro sa akin ni Xavier kay Tito Jayvee. Nasa harapan kami ngayon na nabasag na vase. Ito iyong binili nila noong nakaraang buwan sa ibang bansa.
Gusto ko mang ipagtanggol ang sarili ay hinihila naman ni Xavier ang laylayan ng damit ko sa likod waring sinasabi na huwag akong magsumbong kay Tito. Sa totoo lang, siya naman talaga ang may kasalanan kung bakit nabasag ang vase.
"Totoo ba iyong sinasabi ni Xavier, anak?" Mahinahong tanong ni Tito Jayvee sa akin. Napatingin ako kay Xavier. Akmang magsusumbong ako nang pandilatan niya ako ng mata.
Unti-unti akong tumango hanggang sa umamin sa kasinungalingan. "Sorry po Tito." Mahinang sambit ko. Hindi ko naman maiwasang mapaluha. Handa na rin akong mapagalitan ni Tito sa kasalanang hindi ko ginaw
