"Anak, sigurado ka ba sa gagawin mong desisyon?" mahihimigan kay Mama ang pag-aalala para sa akin.
"Mama . . . natatakot ako pero gusto ko 'tong gawin. Handa man po ako o hindi, gusto ko pa rin subukan," sagot ko sa kanya.
Isang araw na ang nakalipas nandito pa rin ako sa hospital. Hindi naman umuwi ang pamilya ko, nandito pa rin sila, si Deena lang muna ang umuwi dahil hindi niya pwedeng pabayaan ang business niya. Ayaw pa nga niyang umalis kung hindi ko lang pinilit. Ang pamilya naman ni Gavin ay umuwi na rin muna, babalik daw sila mamayang gabi para dalawin ako. At si Gavin naman ay hindi rin ako iniwan, parang ayaw niya 'kong mawalay sa tabi niya. Tumabi siya sa akin sa pagtulog kagabi. Siya ang nagpi-prinsintang alagaan ako, ang nagpapakain, ang tumutulong sa akin kung pupunta man a
