NARARAMDAMAN NI LEO na sa araw na iyon ay makakaharap na niya si Jopet, at tuluyan na itong mawawala sa kaniyang landas.
Nang makaluwas sa lungsod ang grupo nina Goyo ay sinalubong niya ito sa napag-usapang lugar.
Bugbog sarado si Danny. Halos hindi na nito maimulat ang mga mata.
"That's the price you pay for betraying your friends," wika niya rito. Mahigpit niyang hinawakan ang buhok nito. Kinuha niya ang cellphone sa kaniyang bulsa. "Tawagan mo si Jopet," utos niya kay Danny. Mabilis na umiling si Danny.
"Magmamatigas ka pa rin?" wika pa ni Leo. "Sabihin na nating handa ka ngang mamatay para sa kaibigan mo. Pero handa ka bang mamatay ang babaeng mahal mo?"
"Ano?" bulalas ni Danny.
"Ilabas ninyo ang babae," utos ni Leo kay Goyo at sa mga kasama nito.
Halos pakaladkad na inilabas n
