NALAGLAG ANG MGA PANGA ni Leo habang pinapakinggan ang lahat ng sinasabi ni Detective Guevara.
"Confirmed, Mr. Anderson, Joseph Peter Delos Reyes ang tunay na pangalan ni Arthur Benedicto. Peke ang lahat ng mga dokumento na ipinakita nila sa inyo na kalakip ng kaniyang resume. Hindi lang iyan Mr. Anderson, the truth about Mr. Delos Reyes will blow you away."
"What is it?" salubong ang kilay na wika ni Leo.
"Bagong miyembro siya ng isang talamak na gang sa kanilang lugar. Nahuli siya sa isang entrapment operation, ngunit nagtangkang tumakas. Nabaril siya nang ilang beses bago nahulog sa ilog. Ang akala ng mga pulis ay namatay siya sa tama ng mga baril, ngunit umahon siya at hindi man lang nagpakita ng kahit na kaunting panghihina. Nakatakbo muli siya at nakatakas. Hanggang ngayon ay hin
