"KUMUSTA KA NA RIYAN, pare?" tanong ni Danny kay Richard mula sa kabilang linya.
"Nandito na ako sa mansiyon. Nakakasama ko na palagi ang anak ko," masayang tugon ni Richard.
"Wow, pare, masaya ako para sa iyo."
"Kumusta naman ako riyan?" ani Richard.
"Medyo hindi ka na gaanong naririnig. Hindi ka na rin masyadong nababanggit ni Goyo. Siguro, ilang linggo na lang ang lilipas, tuluyan ka na nilang makakalimutan," tugon ni Danny.
"Mabuti naman. Ibig sabihin niyan, mas makakakilos ako. Lalo na at limitado lang ang oras ko."
"Kumusta naman kaya ang mga magulang ni Jopet?"
"Wala pa akong balita mula nang huli kong punta roon. Sana nakatulong ang ibinigay kong pera. Kaunting panahon pa, makapagbibigay rin ako ng sapat na halaga para sa mga pangangailangan nila."
"Maswerte pa rin si Jopet
