HINDI MAIPINTA ANG MUKHA ni Danny.
"Kawawa naman si Jopet," aniya. Kaagad siyang nakaramdam ng pagkakonsensiya. "Kasalanan ko yata ito. Pinilit ko siyang sumama sa atin. Ang malas niya naman. Bakit gano'n?"
Hindi pinansin ni Goyo ang sinabi nito. "Kailangan na masiguro natin na patay na talaga si Jopet. Kasi kapag iyon nabuhay, lahat tayo malalagot. Lahat tayo maghihimas ng rehas na bakal."
"Mabubuhay pa ba iyon? Nakita mo ba kung gaano karaming bala ang tumama sa katawan ni Jopet? Imposibleng mabuhay pa iyon. Kawawa naman iyon," wika pa ni Danny. Napaaray siya nang batukan siya ni Goyo.
"Dapat nga magpasalamat ka pa kung natuluyan ang kaibigan mo. Kapag nabuhay iyon, kukulangin ang dasal," ani Goyo.
"Narinig mo naman, 'di ba? Hindi niya tayo nilaglag. Hindi siya kumanta. Namatay na l
