Maingat ang bawat hakbang ko pababa ng hagdanan. Bukod sa wala ng ilaw, nag-iingat din ako na huwag maglikha ng anumang ingay.
Hindi ako sumabay ng kain sa kanila ng dinner. Dito kumain sina Auntie at Benj. Baka maumay lang ako, mawalan ng gana at masuka kahit paborito ko iyong ulam.
Ang kapal ng pagmumukha ng Benjamin na iyon! Tiningnan ko ang malalaking kuwadro na nakasabit sa dingding dito sa living room. Halos mapuno ng pagmumukha ko ang buong bahay, impossible namang hindi niya ito nakita.
Tapos nakipaglapit pa talaga siya ng loob sa mga magulang ko. Sana dinala na lang din niya si Auntie sa Manila. Doon na lang sila manirahan ng payapa.
Huminga ako nang malalim. Breathe in, breathe out, Lynette. Hayan ka na naman. Nanggigigil ka na naman.
Mahapdi na ang aking sikmura at sum
