Halos hindi ako makatulog sa pag-iisip kay Riko. Kahit alam kong wala akong ginagawang masama pakiramdam ko naguguilty ako sa nakita niya. Hindi ko din yun inaasahan kay Marco. Ngunit nagsorry naman siya sa akin.
Gusto kong sabunutan ang sarili dahil imbis na ako ang magalit sa kanya parang gusto kong magpaliwanag sa nakita niya. Gusto kong sabihin na wala lang yun. Gusto kong ipagtangol ang sarili ko sa posibleng iniisip niya dahil kung hindi siya galit bumaba sana siya at kinausap ako ngunit umalis siya at pinaharorot ang kotse.
Arggghhhh! Julyen masisiraan ka na talaga ng bait!
Kinabukasan maaga akong pumasok sa office. Bahagya kong sinisilip ang office ni Riko. Nagbabakasakaling lalabas siya at kakausapin ako o hinihintay ang pagdating ko ngunit wala. Hindi ko rin makita si Erica.
