Chapter 68
Napagkasunduan namin ni Seb na dumito na lang muna sa Isla Dahu hanggang sa mailuwal ko ang aming mga anak. Ilang buwan na rin ang lumipas mula nang magtungo kami rito at halos nawili na kaming manirahan sa isla ni Seb. Palibasa ay sariwa ang hangin at pagkain kung kaya pumayag rin sina Mama Cassy at Papa Baste na dumito na muna kaming mag-asawa. Hindi ko masasabing nakakainip ang bawat sandali nang pamamalagi namin dito sapagkat maya-maya rin kaming may pinagkakaabalahan na dalawa. Kapag wala kami sa pataniman ay nasa may tabing dagat naman kami lumalagi upang doon manghuli ng mga lamang dagat. Minsan naman ay nasa bahay kami nina Mariel at Rodel sa may bayan o 'di kaya naman ay nasa bahay nila Tita Marie. Labag man sa kalooban ni Sonny na bumalik ng Manila, wala naman siyang mag
- Writer
