CHAPTER 51
SIR DAVID's POV:
BUO na ang desisyon ni Janeth. Hindi ko na nga ito napigilan pa. Sarado ang isip niya na pakinggan ang mga sinasabi ko.
Pero naiintindihan ko ang babae. Sa kalagayan niya ay mahirap ngang paniwalaan ako.
Kaya kahit anong pagkukumbinsi at pagpipigil ang ginawa ko, hindi na nga nagbago ang kanyang pasya. Wala tuloy akong nagawa kundi ang respetuhin ang desisyon ni Janeth.
"Daddy, akala ko ba ay magsi-swim tayo? Don't tell me na katulad ka rin ni mommy na pinaasa lang ako sa pangako niya," saad ni Darryl na hanggang ngayon ay hindi niya nakalimutan ang pangakong sinambit ko.
"Si yaya Janeth mo ang magdedesisyon kung itutuloy ba natin ang swimming. Tutal, siya naman ang magtuturo sa'yo kung paano lumangoy," ani ko sa bata.
Nakabalik na kami sa sala ni Janeth.
