“Madilim ang mukha na lumabas ng elevator si Izer ngunit nahinto ang kanyang mga paa ng maabutan niya ang isang eksena. Nagkakagulo ang mga tauhan ng kanyang kapatid maging ang mga tauhan ng kanilang ama. Mula sa isang tabi naman ay tahimik lang na nakaupo ang kanyang ina na si Steffany, ngunit, halata sa mukha nito ang labis na pag-aalala dahil sa mga nangyayari.
Naningkit ang kanyang mga mata ng makita niya ang kakambal na si Asher na hindi mapakali sa kinatatayuan nito. Pabalik-balik na naglalakad ito habang nakapamewang. Malaki ang mga hakbang na lumapit siya dito at mahigpit na hinawakan ito sa balikat saka pwersahan na pinihit paharap sa kanya. Isang malakas na suntok ang pinakawalan ni Izer na tumama sa mukha ng kanyang kapatid.
Sa lakas ng suntok ay humandusay sa sahig ang nagula
