“Pagkatapos na bilangin ni Lovely ang perang laman ng kanyang wallet ay nanlulumong ibinalik ito mula sa bulsa ng kanyang pantalon. Muli niyang inayos mula sa pagkakatupi ang pantalon saka ibinalik sa pinakang ilalim ng mga damit. Halos tatlong libo lang ang laman ng kanyang wallet at iniisip niya na siguradong walang magandang mangyayari sa kanya kung sakaling makaalis siya sa poder ni Izer. Dahil hindi pa sapat ang salaping ito para makauwi sa kanilang probinsya.
Izer’s Point of view
“Kita ko kung paano na napaigtad si Lovely mula sa kanyang kinatatayuan dahil sa biglaang pagpasok ko sa loob ng aming silid. Napansin ko rin na napalunok siya ng wala sa oras at nag-alangan pa itong tumitig sa aking mga mata. Isang marahas na buntong hininga ang aking pinakawalan bago tahimik na lumapit
