“Sweetheart?” Anya ng isang tinig na siyang nagpatigil sa ginagawa ko. Kasalukuyan kong inaayos ang aking maleta at katatapos ko lang na mag-empake. Kahit labag sa kalooban ko ang umalis kasama ni Izer ay wala akong magawa. Pakiramdam ko ay nagkakaphobia na ako sa tuwing nagagalit siya sa akin.
Napansin ko kasi nitong mga nakaraang araw ay madalas na siyang balisa at halos hindi na niya ako pinapalabas ng kwarto. Madalas na rin niya akong nasisigawan kaya kung minsan ay natatakot na akong magkamali sa paningin nito.
Bago ako humarap sa kanya ay inihanda ko muna ang isang matamis na ngiti sa labi ko. Upang ipakita sa kanya na okay lang sa akin ang lahat at handa na akong sumama sa kanya. Iniiwasan ko kasi na huwag siyang magalit sa akin. Ngunit, sa pagharap ko ay unti-unting naglaho ang
