Lanie's Pov:
Nasa isa akong upuan, hindi man nakatali sa upuan ay nanatiling nakatali pa din ang mga kamay at paa ko. Pinagmamasdan ko ang mga naiwan na magsisilbing bantay ko na nasa may hindi kalayuan.
Kanina lang ay nagbubulungan sila pero ngayon ay malakas na ang mga boses nila na kahit anong gawin ko ay hindi ko naman maintindihan.
May kung anong pinagtatalunan sila na hindi ko talaga maintindihan dahil nag-uusap sila sa kanilang lenggwahe. Gigil na gigil ang isa habang itinuturo ako habang ang isa naman ay itinuturo ang pintuan ng silid at maging ang namatay na screen.
I eyed their weapons. Pareho silang may baril na nakasuksok sa likuran at sapat na iyon para makatakas ako dito. Ang kailangan ko na lang ay ang tamang timing para patumbahin ang dalawa.
Sinulyapan ko ang pintuan.
