Lanie's Pov:
"Naku! Naku! Mabuti na lang at hindi nagkaroon ng infection ang sugat mo!" bulalas ni Doctor Suarez habang nililinis ang sugat sa kaliwang balikat ko. "Sigurado ka bang wala kang ibang sugat maliban dito?"
Naiiling na tiningnan pa n'ya ang sugat ko bago sinimulang tahiin iyon. Kahit paano naman ay nagsara na iyon pero kailangan pa ding tahiin.
Pagkarating namin ng mansyon ay kaagad akong dinala ni Kuya dito sa clinic ni Doctor Suarez bago iniwan. Ni hindi ako tinanong ni Kuya ng kahit ano mula nang sunduin nila kami ni Yshmael kaya kinakabahan talaga ako sa ikinikilos n'ya.
Pumalatak si Doctor Suarez kaya napatingin ako sa kanya. Talo pa n'ya si Kuya sa pagtalak. Mula pa kanina at
ngayon nga ay hindi pa matapos-tapos ang doktor sa pagsesermon n'ya sa akin. Kanina pa s'y
