Lanie's Pov:
Sinalubong ko ang mga mata ni General Levi. Nakaramdam ako ng kaunting nerbiyos pero hindi ako nagpasindak sa presensyang ibinibigay ng istriktong heneral.
Kakatapos ko lang isalaysay sa kanya ang naging kasunduan namin ng anak n'ya. Ngunit hindi ko sinabi ang tungkol sa kagustuhan ni Gyra na bumalik ng Mexico sa oras na matanggal sa katawan n'ya ang microchip.
"Ibig sabihin ay tama ang sinabi ni Gyra, Miss Inocencio. Hiningi mo ang tulong n'ya para magkaroon ka ng dahilan upang makalabas ng mansyon at pumunta sa bayan ng Lumina."
Tumango ako.
Walang nangyari sa mga bagay na inaasahan ko. Tatlong araw na mula ngayon nang makabalik kami ni Yshmael pero hindi ko pa din nakakausap ang lalaki. Hindi ko alam kung ano ang nangyari pagkatapos s'yang kausapin ni General Levi noo
