Nonanette's Pov:
Nanghihinang nagmulat ako ng mga mata. May kadiliman ang silid na kinalalagyan ko. Pinilit kong iangat ang ulo ko kahit na sobrang hirap akong gawin iyon. Itinukod ko ang kanang siko sa kamang kinahihigaan. Kaunting pag-angat ng katawan nga lang ang nagawa ko.
Nakabukas ang salaming bintana ng silid kaya nakita ko ang kadiliman sa labas. Ibig sabihin ay gabi na. Gabi na naman.
Wala pang isang minutong naka-angat ang ulo ko ay nakaramdam na ako ng sobrang pagod. Dinaig ko pa ang gumagawa ng mabigat na gawain sa sobrang panghihina at panglalambot na nararamdaman ng katawan ko.
Muli kong ibinagsak ang ulo ko sa kama at pilit tinanaw ang may kalayuang bintana.
Gusto kong maluha sa sitwasyong kinalalagyan ko. Ngunit katulad ng mga araw na nagdaan ay naubos na ang luha ko
