Lanie's Pov:
"Hindi ko alam kung ano ang mararamdaman o iisipin ko. Ang ibig kong sabihin, masaya naman ako dahil nasa atin na ang isa sa mga Night Owl..."
"Ngunit dahil din doon ay mas magiging komplikado ang giyerang ito. Nasisiguro kong babawian tayo ng Incubus sa oras na malaman nilang nakuha natin si Cuatro at hindi din tayo nakakasiguro kung may makukuha ba tayo mula kay Cuatro," wika naman ng pamilyar na boses.
Ang mahihinang boses na iyon ang gumising sa diwa ko. Masakit ang buong katawan ko at kahit ang malambot na kamang sumasalo sa akin ay hindi nakatulong para pagaanin ang pisikal na pananakit ng mga kalamnan ko. Ramdam na ramdam ko pa ang tila pamamaga ng buo kong katawan.
Marahan akong nagmulat ng mga mata at napapikit akong muli nang ang liwanag ng ilaw ang sumalubong sa
