Gyra's Pov:
Nagising ako sa tindi ng pananakit ng katawan ko. Makirot din ang ulo ko at tila hinahalukay ang sikmura ko. Hilong-hilo ako at hindi pa nakatulong ang tila pagduyan ng kinahihigaan ko.
Halos hindi ko na maramdaman ang katawan ko, ganoon ako kahina sa mga oras na ito. Pinilit ko ang sarili kong bumangon mula sa matigas na kinalalagyan ko. Sumandal ako sa matigas at malamig ding pader bago nagmulat ng mga mata.
Wala akong nakita kundi karimlam. Kahit saan ako tumingin ay kadiliman ang sumasalubong sa akin. Takot na dinama ko ang mata ko, saka ikinurap-kurap iyon. Nakahinga ako nang maluwag nang masigurong walang diperensya ang mga mata ko at talagang madilim lang ang lugar na kinalalagyan ko.
Walang ibang mararamdaman kundi ang nakakabinging katahimikan at ang paminsan-mins
