Lanie's Pov:
Nanginginig ang mga brasong niyakap ko ang sarili ko. Basang-basa ako kaya sobrang ginaw ang nararamdaman ko. Malamig at basa din ang sahig na kinauupuan ko kaya mas nadagdagan ang panlalamig ng katawan ko.
Muli kong tiningnan ang paligid ko, wala pa ding pagbabago. May kadiliman pa din at bahagyang dumuduyan ang sahig.
Nasa loob ako ng isang malaking aquarium at hindi ko alam kung kailan pa nagsimulang magkaroon ng tubig ang aquarium na kinalalagyan ko.
Nagising na lang ako dahil sa lamig ng tubig. Nanghihina pa ako kaya hindi ko agad napansin ang hindi maipaliwanag na sitwasyon ko. Dahil sa pagkakahiga sa sahig ay agad na nabasa ang damit ko. Wala akong lakas para balyahin ang aquarium at wala din akong planong ubusin ang lakas ko dahil alam kong hindi naman ako makakaa
