Nang magpaalam na si Nan sa amin ay siya ring pag-alis ni Daniel sa kamay niya sa aking baywang. Hindi ko alam kung ano'ng trip niya at kailangan niyang gawin iyon.
Dahil ba may gusto sa akin si Mr. Macasalla?
Hindi na lang ako nagtanong dahil baka magdulot pa iyon ng away sa pagitan namin. Umuwi na rin kaming dalawa nang hapon na iyon din, ngunit pagdating namin sa bahay niya ay pinababa niya ako dahil pupuntahan pa raw niya si Alena dahilan upang makaramdam na naman ako ng selos.
Pero, hindi ko dapat iyon maramdaman, 'di ba?
Naghabilin pa siya sa akin na maaga akong magluto dahil dito siya kakain ng hapunan, kaya natuwa ako.
Ipinasok ko sa loob ang mga pinamili namin sa mall, pero, hanggang ngayon ay hindi pa rin ako makapaniwalang na lahat ng ito ay si Daniel ang bumili para sa
