Ika-animnapung Kabanata
Wakas
Point of View: Third Person
Sinubukang pigilan ng ilang mga kawal ang ikalawang prinsipe na makapasok sa loob ng bulwagan ng mahal na hari at ng mga ministro. Ngunit dahil na rin sa lakas ng boses nila at sa biglaang komusyon ay hindi na napigilan ng mahal na haring itanong kung ano ang nangyayari.
Wala na ring nagawa ang ilang mga kawal kaya pinapasok na nila sa loob ang prinsipe bago yumuko at umatras. Mabilis namang tinahak ng prinsipe ang loob ng bulwagan na may matapang na postura at matatag ng kalooban.
Alam niyang maaari siyang mapahamak mamaya dahil sa ginawa niya pero hindi na niya iyon masyadong inalala pa. Ang tanging nasa isip na lang niya ay si Clairn at kung ano ang magagawa niya para sa babae. Kaya kahit na masama ang tingin sa kaniya ng il
