Ikalimampu’t Siyam na Kabanata
Kamatayan
Point of View: Third Person
Tahimik lang na nakamasid si Rhonwen sa likod ni Clairn hanggang sa mailibing nito ang katawan ng kaibigan niya. Wala siyang sinabi na kahit ano at hindi niya rin sinubukang pagaanin ang loob nito dahil hindi rin naman niya alam kung paano.
Wala siyang ideya kung ano ang napagdaanan ng dalawa. Hindi niya alam kung anong klaseng koneksyon ang mayroon sila, kung magkasama lang ba silang alamin ang katauhan ng pinuno o mas malalim ba doon.
Pero kung may alam man siya, iyon ay hindi sapat ang kahit anong salita para mapagaan ang loob ngayon ni Clairn. Ngayon niya lang ito nakitang umiyak nang ganoon kaya alam niya na walang anumang salita ang makakapagpagaan ng loob nito.
Habang nasa teritoryo siya ng Black Knights ay
