Ikatatlumpu’t Anim na Kabanata
Sa likod ng bawat mga ngiti
Point of View: Third Person
PAALIS NA SANA si Rhonwen upang magtungo sa kaniyang misyon nang matanaw niya mula sa hindi kalayuan si Warlo. Nag-iisa itong nakatayo malapit sa kaniyang silid kung saan tanaw ang malawak na palatubigan.
Paborito niya itong tambayan sa tuwing nais niyang mapag-isa o hindi kaya naman ay may malalim siyang iniisip. Sa pagkakataong ito, nababakas sa mukha ng kaibigan ang pag-aalala sa isang bagay na hindi niya mapigilang hindi alamin.
Madalang itong magpakita ng anumang reaksyon kaya sa tuwing ganito siya ay lagi niya itong nilalapitan. Hindi man niya mabigyan ng kahit anong payo ang kaibigan ay gusto pa rin niyang marinig ang sasabihin nito. Alam niyang gusto lang niya ng kausap na minsan lang din m
