"Papaaaaa!" bulalas ni Avery kaya napapitlag naman sina Yoona at ina nila.
"Nasaan si Papa?" tanong niya.
"It's a prank!" wika ni Avery.
Binatukan niya ito dahil busy pa naman silang maglagay ng decorations para sa pagdating ng kaniyang papa.
"Epal ka talaga! Tulungan mo na kaya kami ni Mama, hindi 'yong nang-iinis ka riyan!" asik niya rito.
"Oo, nga. Hawakan mo nga ito, Avery nang may magawa ka naman," utos ng kaniyang ina.
"Masakit po ang katawan ko, puwedeng matulog na lang po muna ako rito sa sofa?" pakli nito, biglang nahiga sa sofa at ipinikit nito ang mga mata.
"Ang tamad mo rin talaga minsan! Ano? Tutulungan mo si Mama o hindi?!" bulalas niya rito.
Biglang iminulat nito ang mga mata at bumangon mula sa pagkakahiga, "Oo na, tutulong na nga!" Inirapan pa siya nito at
