"Kumusta po? Okay ka lang poba rito? Na-miss po kita, Papa," pakli niya nang pag-upo niya sa silyang nasa tapat nito.
"Ayos lang ako anak, bakit ikaw lang dumalaw sa 'kin ngayon?" tanong nito. Medyo may lungkot sa mukha nito na hindi niya kasama ang kaniya Mama at kapatid.
"Hindi po nila alam na pupunta ako rito. Papa, gusto ko lang po alamin kung bumalik pa po ba rito 'yong abogado na sinasabi ninyong kinausap kayo?" Hindi niya alam kung anong mayroon sa sinabi niya dahil napangiti ang kaniyang ama.
"Mabuti naman nga at pumunta ka rito anak dahil may magandang balita ako." Maganda ang ngiti nito, hindi tulad ng dati na parang napipilitan lang na ngumiti.
"Ano po 'yon, Papa?" takang tanong niya rito.
Muling ngumiti ito sa kaniya at biglang may namuong luha sa mga mata nito. Napalukot
