SACHI’S POV
“Hindi pa ba sila aalis? Aabutan na tayo ng dilim dito,” seryosong sabi ni Clyde habang matamang nakatingin sa mga malalaking aso na naghihintay sa aming pagbaba mula sa puno.
“Ano bang tawag sa kanila?” hindi ko na napigilang itanong.
“Sila ang mga mapapanganib na Baredog. Isa sila sa mga kinatatakutan na hayop dito sa ating mundo. They are carnivorous. Lahat ng uri ng karne ay kinakain nila,” sagot naman sa akin ni Monica.
Kaya pala ganoon na lamang sila maglaway nang makita nila kami. Bibihira siguro silang makaamoy ng Maxime kaya ganoon na lamang sila kasabik sa amin. Dalawang oras na yata kaming nandito sa taas ng puno at hindi man lang kakikitaan ng pagkainip ang mga Baredog na ito. Para silang naghihintay ng mga prutas na kusang mahuhulog mula sa puno.
“Wala ba sila
