SACHI'S POV
"Malayo pa tayo sa ligtas na lugar. Malapit nang dumilim, Blake," seryosong sabi ni Clyde habang naglalakad pa rin kami.
Hindi ko alam kung nasaan na kami sapagkat nanatili lang akong nakasunod kina Monica at Clyde. Si Blake naman ay nasa likod ko at tahimik na nakasunod din sa amin. Nakakapagtaka nga na nananatili lang siyang nasa likod ko. Bilang leader ng grupo, ang inaasahan ko ay siya ang mangunguna sa paglalakad ngunit kabaligtaran ang nangyari. Hindi rin naman nagtataka sina Monica kaya naisip kong baka ganito talaga si Blake kapag may mission sila.
Tumingin ako sa kalangitan at nagiging kulay orange na nga ito. Nangangahulugan lang na malapit nang lumubog ang araw. At kapag nangyari iyon, mas lalong magiging mapanganib ang aming paglalakbay.
"Wala tayong choice kund
